السلام عليكم
الاختبارات على الابواب وكل واحد له طريقته بالمذاكره>>هع
لازم اذكركم انها قريبه
الولد لمى يذاكروش يسوى
اول شي:
يدور الكتاب لأنه مضيعه ويحوس البيت كله على شان كتبه واخرتها يلقه حاطه بالدولاب او الثلاجه عادي ماتفرق واحيانا تحت السرير<< احد يخش كتاب تحت السرير
ثانيا:
يلقا الكتاب ويفتحه يبي يذاكرالولد
شوى لقى مكتوب مع تحيات ابو فيصل وابو عابد اصدقائه
الولد استانس وجلس يتذكر اى يوم كتبوها وش كانوا يسولفون عنه ويجلس يتذكر<< مسوي ذكريات>
ثالثا:
يلقا موضوع ماحدده او ماكتب فيه شي او كان غايب او شي
يقول خلني اطلع انقل من الشباب ويطلع ويروح مع ربعه وسوالف وتمشية وضحك ويرجع البيت متاخر وهو ماحدد شي والله من الدجه
رابعا:
تجيه امه ياولدي انت ماكلت شي من الصبح روح اكل انت ناحف
الولد يسوىانه ماله نفس يمه مالى نفس خليني اذاكر
شوى يمه ممكن طلب ابي اروح اشتري عشا من المطعم يعني ماياكل الا من اكل مطاعم .......حركات قديمه
خامسا:
يقول بواصل اذاكر وهو سهران على الماسنجر او التلفزيون
والكتاب مفتوح على المقدمه (الفهرس)
سادسا:
قبل لايروح للمدرسه
يماه انا تعبان بطني يعورني او راسي .........على شان اذا ماحل يقاله صرف عمره
واخرتها الولد راسب مافلح>>>>>.........
البنات بوقت الإختبارات تتوقعون إيش يسون؟؟ ؟؟
أولاً
الثلاث وجبات الرئيسية لازم تقعد عليها أول وحده وما تقوم إلا آخر وحده جوعانة المسكينة يا حراااام ،، وأحيانا تزيد وجبات إضافية إذا كانت المادة دسمة هههههههههههههاااااي< < احم ..اني اول وحده
* * * * * * * * * *
ثانياً
تقعد تسوي نفسها طفشانه وتعبانه ويااااااربيه ماني قادرة أذاكر مدري وشفيني حاسة بكتمة يمه الظاهر احد صاكني بعين تقعد امها تقول باسم الله عليك تعالي اقرأ عليك يابنيتي كل هذا عشان إذا سقطت يقولون عين
* * * * * * * * * *
ثالثاً
بعضهن ينزل عليها وسواس نظافة أيام الامتحانات تتروش الصبح والليل وتستشور شعرها كل مرة طبعا ما يصير تخليه يخرب وبكره كيف تروح المدرسة والكتاب على جنب طبعا هذي من واجباتها اليومية ما تقدر تتركها عشان تذاكر مايصير
* * * * * * * * * *
رابعاً
هذي تترك الكتاب على جنب وتقوم تقيس فساتين السهرات اللي عندها عشان بعد الاختبارات على طول فيه عرس فلانه بنت فلان لازم تحدد ايش تلبس من الحين لا وبعضهن ليلة الاختبار عند الخياطة رايحه تسوي بروفهالله من قل الدبره بس
* * * * * * * * * *
خامساً
وبعضهم تنزل عليها صلة الرحم فجأة تقوم تكلم وحده من صديقاتها القدام من زمان ما كلمتها تبي تشوف وش صار عليها وتشغلها عن المذاكرة
* * * * * * * * * *
سادساً
وهذي تنزل عليها الشطارة فجأة تقوم تسوي العشاء لاهلها0وتغسل الصحون عن الشغالة وتقولها اطلعي نامي انتي خلاص انا اكم00 خخخخخخخ
* * * * * * * * * *
سابعاً
وهذي مبتليها ربي بحب الجوال قالبتها تشات حشا مو مسجات وما تصحى على نفسها الا قبل الفجر بساعتين
* * * * * * * * * *
ثامناً
وهذي المسكينه اللي من قل الحيله توجع القلب لا قفلت معها قضبت المخده ونامت لين تصحى وبعدها تقول يووووووه راحت علي نومه
* * * * * * * * * *
تاسعاً
وهذي ايام الامتحانات تنزل عليها حالات غريبه كل شوي مشتهيه اكله معينه وما تلقى السواق الا رايحه جايه رايحه جايه يعني اذاكر وامها ايه يا بنيتي وش تبين بس قال ايش تبي تساعدها عشان تفتح نفسها للمذاكرة وما تدري ان كل هذا هروووووب وهذا النوع ما تنتهي الامتحانات إلا وهي زايده 4 كيلو
* * * * * * * * * *
عاشراً
وهاذي تقول ويي يممممممه ناقصتني بلوزه ولا يمممه ابي اروح السوق لازم اشتري شوكلاته علشان اذاكر عدل ولا بشتري نسكافيه وهكذا والأم المسيكينه يا قلبي على بنيتي
