من أجمل الأشعار و القوافي_ أشعار أعجبتني

من اجمل الأشعار والقوافي - اشعار عجبتني

[تهددني بتتركني توّكل ما أبي طاريك
تراني عرفت اسلوبك وعرفتك قبل اسلوبك

تراني يوم أقوول آسف تحسبني بعد أبغيك
تمهل واسمع الباقي وخل الناس يدرو بك

إذا كان الوفا في الحب تجرحني وذا يرضيك
دخيلك ضف لي وجهك ترى قلبي مهو بصوبك

أنا لا جبت طاري الحب نطق قلبي وهو شاريك
حرام الّي تسويه أنا ثوبي مهو بثوبك

أقابل حبك الجافي بحب(ن) صادق(ن) يرويك
أشوف الزيف في ضحكك وأجامل واستر اعيوبك

تحملت الخطأ منك كتمته ما أبي أشقيك
صبرت وقلت يتغيّر مع الأيام محسوبك

عطيتك قلبي الغالي رجع لي باكي(ن) يشكيك
يقول أوفيت انا وياه ... طعني ...صار يلهوبك

خذيت القلب ضمدته ....صرخت ...علّتي هي فيك
تشوف الناس تجرحنا وتسمح من لفا صوبك

أبيك تتوب يا قلبي ترا هالحب هو يفنيك
أبيك تتوب من عالم تخادع تروي إذنوبك

كفايه ما تحملنا ..كفايه دمعتي تكفيك
كفايه من مآسينا ...كفايه غير ادروبك

(2)

افتح شبابيك الهوى جيتك اليوم
بحساس من زود الوله عده ايطير

جيتك مثل طفلن له ايام محروم
عن حضن امه بعدته المقادير

وجيتك مثل عودن له ايام مهموم
وده يلاقي باخر الوقت تقدير

وجيتك حضن عاشق وهايم ومغروم
وده يضمك لين تصبح على خير

متى تحس ان الهوى شي مقسوم
من قسمة الخالق على خلقه يصير

ومتى تحس اني لك اطيح واقوم
واتعب على شانك واقدرك وآغير

لي في هواك احلام وامال وعلوم
واحزاب واصحاب وقصيد وجماهير

وهموم وافكار وهواجيس وحلوم
وادروب واخطار وعذاب ومشاوير

وحب وغلا واخلاص ومعاند ولوم
واحساس والهام وشعور وتفاكير

وصحبة سهر ومقاطعة لذة النوم
واشواق جياشه وعشق وتعابير

في ذمتك مابان لك شي مكتوم
من بعد ماصورت الاوضاع تصوير

لاتحسب انك شي عابر ومعدوم
وتاريخ حبك فاق كل الاساطير

في كل شي اتخيلك واسمعك دوم
واتأملك في الوقت الأول ولآخير

من ماضي الأيام ليومك اليوم
وغلاك عندي ماحصل فيه تغيير

وانا لك الله مأقبل البيع والسوم
ولا ارضى علي ولاعليك المخاسير

لاْني الوحيد اللي على بحرك يعوم
واللي عرف مرساه في رحلة السير

لحظه حبيبي قبل يسبقني النوم
بضم صدرك لين تصبح على خير

روعه يسلموا كتير

» أشعار من تأليفى
» أشعار حزن *خيانه*زعل*حب*عتاب*فراق
» ♥°♫• أجمل احساس • ♫°♥